Зборная Бразіліі выйграла Кубак канфедэрацый
У фінале бразільцы ўпэўнена перайгралі чэмпіёнаў свету іспанцаў з лікам 3:0.
Фінальны матч праходзіў на рэканструяваным стадыёне "Маракана" у Рыа-дэ-Жанейра. Гаспадары забілі хуткі гол – мяч запісалі на рахунак Фрэда. А перад самым перапынкам Неймар прыгожа прабіў пад перакладзіну. Кропку паставіў Халк, прабіўшы на пачатку другога тайма ў левы ад брамніка ніжні кут.
У іспанцаў была магчымасць адыграць адзін мяч. Аднак Серхіа Рамас не здолеў забіць пенальці. У дадатак на 68-й хвіліне чырвоную картку за парушэнне правілаў атрымаў Херерад Піке. Іспанцы засталіся ў меншасці і згубілі шансы на перамогу.
Фота footballnews.com.ua
