Згарэла царква, якую распісваў Алесь Пушкін
Пажар у царкве ў мястэчку Бобр Крупскага раёна Мінскай вобласці адбыўся ў ноч з 16 на 17 студзеня. Прычыны пажару высвятляюцца.
Вось што распавёў Еўрарадыё мастак Алесь Пушкін:
"І купал праваліўся. І ўсё пагарэла: і іканастас, і абраз дзевы Марыі. І святы Мікола, і святая Еўфрасінія — ўсе абразы, начынне ўсё. Толькі засталася калакольня і званы".
Будаўніцтва царквы ў мястэчку Бобр пачалося ў 1991 годзе. У 1995-м быў распачаты роспіс царкоўных сцен. Непасрэдны удзел у гэтым прымаў і мастак Алесь Пушкін.
З 2005-га ў царкве рэгулярна праводзіліся набажэнствы.
