Жыхарам Лунінца абяцаюць падарунак — лядовы палац

Лядовы палац у гэтым годзе адкрыецца ў Лунінцы Брэсцкай вобласці. Пра гэта карэспандэнту БЕЛТА паведаміў начальнік аддзела фізічнай культуры, спорту і турызму Лунінецкага райвыканкама Сяргей Рамановіч. Лунінецкі Лядовы палац з'яўляецца аналагам раней збудаваных арэн у Пружанах і Кобрыне. Выдаткі на будаўніцтва арэны ацэньваюцца ў 24 мільярды рублёў. Рэалізацыя дадзенага праекта вядзецца пераважна за кошт крэдытных рэсурсаў.

Месцам размяшчэння новага спартовага аб'екта абраны адносна новы раён горада са шматпавярховай забудовай.