Жыхарам мінскай Сляпянкі на 5 дзён адключаць электрычнасць

У мінскім мікрараёне Сляпянка з'явіліся абвесткі пра адключэнне электрычнасці на некалькі дзён. Як паведамляе tut.by, самі жыхары даведаліся пра гэта з улётак у сваіх паштовых скрынях.

Дыспетчар першага філіяла Мінскіх кабельных сетак Уладзімір Шыбека паведаміў, што электрычнасць адключаюць у сувязі з рэканструкцыяй паветранай лініі электраперадач. З 15 па 19 чэрвеня без электрычнасці застануцца жыхары прыватнага сектара па наступных адрасах:

— будынкі №1а, 3, 4, 5, 6, 27 і 36 на Авангарднай

— будынкі №13 і 15 па Аннаева

— дамы № 26-52 на вуліцы Баграціёна

— будынкі №2 і 4 на другім завулку Баграціёна

— будынкі № 2, 4, 6 па вуліцы Бумажкова

— дамы 2, 2а, 14а, 19а, а таксама 13-26 на Кубанскай

— няцотныя нумары будынкаў з 17-га па 99-ы на вуліцы Перадавой

— няцотныя нумары будынкаў з 3-га па 21-ы на Перадавым завулку

— дамы №4, 6, 8 і 10 на Таварыскім завулку

— будынкі № 43-74 на вуліцы Уральскай

У Мінскіх электрасетках кажуць, рэканструкцыю электрасетак можна было б праводзіць з адключэннем святла на пару гадзін у суткі. Але тады сам працэс заняў бы паўгода. Па словах Шыбекі, мясцовы выканкам паведаміў, што пытанне адключэння ўзгодненае з жыхарамі.

Дарэчы, некалькі гадоў таму без току заставаліся таксама жыхары Вялікага Трасцянца. Людзі, маўляў, паставіліся да гэтага з разуменнем.

Фота з сацыяльных сетак