10:08 Наклады амерыканскіх газет знізіліся
Наклады 50 асноўных амерыканскіх перыядычных выданняў скараціліся за
апошні год. Пра гэта паведамляецца ў штогадовым даследаванні, праведзеным
экспертамі Амерыканскай газетнай асацыяцыі.
Па меркаванні кіраўніка
даследавання Том Розэншціля, чытачы не страцілі зацікаўленасці ў атрыманні
інфармацыі, аднак разнастайнасць яе крыніц, якая сёння назіраецца на медыярынку
ЗША, спрыяе вялікаму роскіду яе спажыўцоў.
Галоўнай праблемай, якую вырашаюць
амерыканскія газеты, лічыцца прыцягненне і канцэнтрацыя максімальнай аўдыторыі
для атрымання грошай, якія дазволілі б фінансаваць далейшы збор інфармацыі.
Пакуль што на ўздыме — толькі этнічная прэса, а таксама прэса пэўных грамадскіх
суполак.
