12:27 Беларусь пагражае павысіць пошліну на транзіт нафты

Павышэнне стаўкі акцызу неабходна Беларусі для таго, каб кампенсаваць выдаткі нафтаперапрацоўшчыкаў, якія вымушаныя купляць паліва ў Расіі з улікам увазной пошліны на сырую нафту ў памеры 53 долары за тону.

Акрамя таго, з-за высокага кошту на сыравіну знізілася рэнтабельнасць экспарту з беларускіх нафтаперапрацоўваючых прадпрыемстваў. Сітуацыя пагоршылася ў сувязі з тым, што ў лютым кошт нафтапрадуктаў на сусветных рынках знізіўся.

Нагадаем, у пачатку года Беларусь была вымушаная адмяніць абаротныя падаткі з прыбытку ад продажу нафтапрадуктаў і знізіць стаўку акцызу на іх на 60%.

Паводле дамоўленасцяў, Расія будзе атрымоўваць 53 долары за кожную тону пастаўленай нафты. Раней гэтага тарыфу не было наогул, што дазваляла Беларусі перапраўляць расійскае паліва ў Еўропу, забіраючы ўсю экспартную пошліну сабе ў бюджэт, паведамляе “Інтэрфакс”.