33 абітурыенты здалі ЦТ па замежных мовах на 100 балаў

На цэнтрлізаваным тэставанні па замежных мовах 33 чалавекі атрымалі 100 балаў. Як перадае БЕЛТА са спасылкай на прэс-службу Мінадукацыі, добрыя вынікі ЦТ карэлююць з вынікамі першай сесіі студэнтаў моўных спецыяльнасцяў і таму тэставанне з’яўляецца добрым інструментам для ацэнкі ўзроўню ведаў абітурыентаў.

Усяго ў ЦТ па замежных мовах прынялі ўдзел 25 тысяч 86 чалавек. З іх па англійскай мове — 21 тысяча 103 чалавекі, на нямецкай — 3 тысячы 144 чалавекі, па французскай — 678 чалавек, па іспанскай — 149, па кітайскай — 12. Не прыйшлі на ўступныя выпрабаванні 1 тысяча 828 абітурыентаў. Аднаго выгналі за выкарыстанне мабільніка, аднаго — за шпаргалкі, трое абітурыентаў не прайшлі ЦТ па медыцынскіх прычынах.

З тых, хто атрымаў 100 балаў, 11 чалавек вучыліся ў Мінску, у Мінскай вобласці — 3, у Брэсцкай — 2, у Віцебскай — 3, у Гомельскай — 7, у Гродзенскай — 1, у Магілёўскай — 6 чалавек.

8 абітурыентаў атрымалі на іспытах па замежнай мове 0 балаў. 5 тысяч 231 чалавек не пераадолеў парогавае значэнне тэставага бала, вызначанае Міністэрствам адукацыі для першага профільнага прадмета. 1 тысяча 484 чалавекі не дайшлі да парогавага значэння бала як па другім профільным прадмеце.