Адміністрацыя МДЛУ перашкаджала сустрэчы Саннікава з выбарнікамі

Кіраўніцтва Лінгвістычнага ўніверсітэта забараніла распаўсюджваць інфармацыю аб учорашняй сустрэчы кандыдата ў прэзідэнты Андрэя Саннікава з выбарнікамі, паведамляе "Еўрапейская Беларусь".

Інфармацыя аб сустрэчы была выдаленая з дошак для аб'яў, а размяшчэнне новай інфармацыі было забароненае. Аб гэтым актывістам грамадзянскай кампаніі "Еўрапейская Беларусь" паведаміла намеснік рэктара МДЛУ па ідэалогіі.

Нягледзячы на перашкоды, у сустрэчы з Саннікавым узялі ўдзел каля 500 чалавек.

Разам з Саннікавым з выбаршчыкамі гутарылі рэдактар інтэрнэт-сайта "Хартыя-97" Наталля Радзіна і першы кіраўнік незалежнай Беларусі Станіслаў Шушкевіч.