Адвакат былога прэзідэнцкага ідэолага не разумее, чаму працэс закрыты

У Вярхоўным судзе Беларусі працягваецца працэс у справе Уладзіміра Холада, былога першага намесніка ідэалагічнага ўпраўлення адміністрацыі прэзідэнта. Яго падазраюць у падбухторванні да хабару і махлярстве.
Адвакат Холада Марына Вераб’ёва кажа, што яе падабаронны не прызнае сваю віну і кажа пра правакацыю. Таксама яна выказала здзіўленне тым фактам, што працэс закрыты.

Нагадаем, Холад быў затрыманы ў чэрвені падчас атрымання 35 тысяч долараў. Былому прэзідэнцкаму ідэолагу пагражае да 15 гадоў зняволення.

Радыё Свабода