Адвакат Канавалава абмяркуе з падабаронным падачу прашэння пра памілаванне
Пра гэта Дзмітры Лепрэтар паведаміў журналістам пасля абвяшчэння смяротнага прысуду Канавалаву і Кавалёву.
Па словах абаронцы, прашэнне павінен напісаць асабіста асуджаны. Таксама Лепрэтар паведаміў, што абмяркуе з Дзмітрыем Канавалавым падачу касацыйнай скаргі ў калегію Вярхоўнага суда.
Адвакат кажа, што сустракаўся з Канавалавым пасля абвяшчэння прысуду. Аднак пра што ішла гаворка на сустрэчы, ён гаварыць адмовіўся, спаслаўшыся на адвакацкую таямніцу.
