Амерыканская артылерыя абстраляла паўднёвыя раёны Багдада

У Іраку ізноў страляюць з гармат. Амерыканская артылерыя нанесла ўдар па паўднёвых раёнах Багдада, паведамляе агенцтва “Reuters”.

У прэс-службе арміі ЗША распавялі, што выбухі, якія было чуваць у горадзе, былі вынікам артылерыйскага агню. Вайскоўцы не ўдакладняюць, што менавіта было мэтай праведзенага абстрэлу.

Прадстаўнікі іракскай паліцыі паведамілі, што агонь вёўся з амерыканскай базы “Falcon” і меў за мэту суніцкі ўмацаваны раён аль-Буайта.

Прадстаўнікі амерыканскага камандавання паведамляюць, што ісламісцкія экстрэмісцкія рухі, у тым ліку "Аль-Кайда", здзяйсняюць перагрупоўку баявікоў у аддаленых ад цэнтра раёнах Багдада.