Амерыканскі адвакат Зэльцэр змешчаны ў псіхіятрычны шпіталь

У псіхіятрычны шпіталь змешчаны амерыканскі адвакат Эмануіл Зэльцэр. Ён быў затрыманы ў мінскім аэрапорце 12 сакавіка і знаходзіўся ў следчым ізалятары КДБ. Зэльцэра падазравалі ў падрабленні дакументаў. У КДБ Беларусі не каментуюць звестак адносна знаходжання Эмануіла Зэльцэра ў псыхіятрычным шпіталі.

Нагадаем, што 14 красавіка Дзярждэпартамэнт ЗША зрабіў заяву, у якой заклікаў улады Беларусі выконваць свае міжнародныя абавязанні і дазволіць Зэльцэру рэгулярна сустракацца з прадстаўніком амбасады ЗША ў Менску, інфармуе Радыё Свабода.