Апошнія званкі ў школах празвіняць 30—31 траўня
Выпускныя іспыты будуць праводзіцца з 1 па 12 чэрвеня.
Выпускнікі 9-х класаў будуць здаваць чатыры абавязковыя іспыты: беларуская мова (пісьмова), руская мова (пісьмова), матэматыка (пісьмова), гісторыя Беларусі (вусна).
Выпускнікі 11-х класаў таксама здаюць чатыры абавязковыя іспыты: беларуская мова ці руская мова на выбар (пісьмова), матэматыка (пісьмова), замежная мова (вусна), яшчэ адзін іспыт здаецца на выбар.
Выпускныя вечары для навучэнцаў 11-х класаў Мінадукацыі рэкамендавала правесці 10—12 чэрвеня, адзначае БелаПАН. Цэнтралізаванае тэставанне па навучальных прадметах пачнецца 14 чэрвеня.
Фота — bymedia.net
