Атамная электрастанцыя каля польска-беларускай мяжы

Урад Польшчы плануе пабудову дзвюх атамных электрастанцый на Падляссі і Памор'i. Канчатковае рашэнне яшчэ не прынятае, але дыскусіі ўжо вядуцца. Неафіцыйна называецца месца будучага будаўніцтва падляскай электрастанцыі — паўночна-ўсходняя частка Беласточчыны.

Першым ідэю будаўніцтва электрастанцый агучыў прэм'ер-міністр Польшчы Дональд Туск. Ён заявіў, што ў 2020 г. у Польшчы будзе свой атамны ток. З'явяцца дзве электрастанцыі — на Памор'i ды ў найбяднейшым рэгіёне краіны, на Падляссi.