Атручаны галоўны выведнік Брытаніі, падазраюць Крэмль ці самагубства

3 ліпеня ўвечары стала вядома, што кіраўнік выведкі Брытаніі Алекс Алан быў знойдзены непрытомным у сваім доме. Цяпер ён у шпіталі ў стане комы. Алан ачольваў камітэт выведслужб, у які ўваходзяць высокапастаўленыя грамадзянскія службоўцы, а таксама кіраўнікі трох выведвальных служб Вялікабрытаніі - MI-5, MI-6 і Штаба ўрадавай сувязі. “Характар яго нечаканай хваробы, калі мела месца спроба замаху, паказвае на ФСБ. Яны прызнаныя майстры забойства з дапамогай атрутаў", - лічыць вядучы эксперт па тэхніцы бяспекі Крыс Добсан. Па іншай версіі, Алан мог пацярпець ад перадазавання лекавых прэпаратаў. У чэрвені ён наклікаў на сябе крытыку з-за таго, што сакрэтныя дакументы яго камітэта былі знойдзеныя ў цягніку і перададзеныя ў рэдакцыю BBC.

BBC