Беларусь пераходзіць на 11-гадовую агульную сярэднюю адукацыю

На 11-гадовую агульную сярэднюю адукацыю пераходзіць Беларусь з 1 верасня 2008 года. Гэта адбываецца ў адпаведнасці з дэкрэтам, які падпісаў Аляксандр Лукашэнка. У адпаведнасці з гэтым дакументам, таксама ўстанаўліваецца шасцідзённы школьны тыдзень, у якім пяць дзён з'яўляюцца вучэбнымі, а шосты прызначаны для арганізацыі фізкультурна-аздараўленчай і спартыўна-масавай працы, працоўнага навучання і выхаваўчых мерапрыемстваў.

Дэкрэт прадугледжвае захаванне ліцэяў і гімназій, парадак арганізацыі і дзейнасці якіх вызначаецца міністэрствам адукацыі з улікам патрабаванняў заканадаўства, паведамляе "Інтэрфакс".