Беларусь стала самым буйным імпарцёрам малдоўскага алкаголю

Беларусь стала найбуйнейшым імпарцёрам малдоўскай алкагольнай прадукцыі. За першае паўгоддзе наша краіна закупіла яе амаль на 22,5 мільёны долараў. Гэта на 3% больш, чым за той жа перыяд мінулага года. Другое месца заняла Расія, якая набыла вінаробнай прадукцыі ў Малдовы амаль на 21,5 мільён долараў.

Далей ідуць Украіна і Казахстан. Такія звесткі прыводзіць аграпрамысловае агенцтва "Moldova-Vin", перадае “Ежедневник”.