Беларусаў палохаюць штрафамі за фота ў рапсе

Беларусаў пачалі палохаць штрафамі за фота ў рапсавым полі.

Фатаздымкі сярод жоўтых кветак рапса вельмі папулярныя ў блогераў. Забароны на такія фотасесіі няма, але за іх могуць і аштрафаваць. Пра гэта піша маладзечанская раёнка: "Мы з вамі не пчолкі, якія прыносяць карысць квітнеючым культурам, а ў пагоні за ўдалым кадрам можам і нашкодзіць раслінам".

Прапагандысты рэкамендуюць рабіць фота не сярод поля, а з дарогі ці ўзбочыны.

Пашкоджанне рапсу можна расцаніць як наўмыснае знішчэнне або пашкоджанне чужой маёмасці. За гэта пагражае штраф да 30 базавых велічынь (1350 рублёў)