Беларуская зборная апусцілася ў рэйтынгу Кубка Дэвіса на 25-е месца

З 16-га на 25-е месца апусцілася ў рэйтынгу Кубка Дэвіса мужчынская зборная Беларусі па тэнісе. Ён быў абноўлены пасля прайгранага беларусамі матча швейцарцам.  У выніку, у рэйтынгу зборныя Беларусі і Швейцарыі фактычна памяняліся месцамі.

У першую дзесятку рэйтынга ўваходзяць каманды Расіі, ЗША, Аргентыны, Іспаніі, Харватыі, Швецыі, Нямеччыны, Славакіі, Францыі і Аўстраліі.

БелаПАН