Беларускія хлопцы будуць страляць і кідаць нажы ў Казахстане

Беларусы знаходзяцца сярод лідэраў на міжнародным зборы моладзевых ваенна-патрыятычных аб’яднанняў, які праходзіць у Казахстане.

У ім бяруць дзевяць каманд: па дзве з Казахстана, Расіі і Кыргізстана, па адной з Беларусі, Арменіі і Таджыкістана.

Нашыя землякі былі трэцімі ў эстафеце па ваенна-медыцынскай падрыхтоўцы. Лепш выступілі толькі кыргізы і казахі. Таксама трэці вынік прадстаўнікі Беларусі прадэманстравалі і ў спаборніцтвах па спартыўным арыентаванні і перасоўванні па азімуце. Наперад зноў вырваліся кыргізы, у якіх другое месца, а лепшымі былі армяне.

Зараз наша каманда рыхтуецца да ваенізаванай эстафеты, спартыўнага кідання нажа, спаборніцтва па агульнафізічнай падрыхтоўцы і стральбы з пнеўматычнай зброі. Закончыцца збор двухдзённым падарожжам па гарах каля возера Ісык-куль.

http://www.inform.kz