Bloc Party прэзентавалі новы сінгл на BBC

Брытанскі гурт Bloc Party прэзентаваў свой новы сінгл пад назвай "Mercury", паведамляе Billboard. Прэм'ера кампазіцыі адбылася 7 ліпеня ў эфіры шоў Зэйна Лоўва на радыёстанцыі BBC Radio One. У мінулыя выхадныя музыкі размясцілі на сваім сайце лічыльнік, які вёў нейкі зваротны адлік. Прыхільнікі выказалі здагадку, што па завяршэнні адліку гурт выкладзе ў інтэрнэт свой новы матэрыял, але ў выніку атрымалі толькі спасылку на радыёшоў.

Афіцыйна сінгл "Mercury" паступіць у продаж 11 жніўня. Да канца года Bloc Party таксама плануюць выпусціць на лейбле Atlantic свой новы, трэці альбом.

Першы дыск каманды – "Silent Alarm" – выйшаў у 2005 годзе. Наступны альбом "A Weekend in the City" з'явіўся праз два гады.

Фота: www.socloeder.web-log.nl