Брэт Ратнер паменшыць Эдзі Мэрфі да мікраскапічных памераў

Рэжысёр Брэт Ратнер, вядомы па такіх фільмах, як "Чырвоны цмок" і "Людзі Ікс. Апошняя бітва", зробіць для студыі Universal рымейк карціны "Чалавек, які сціскаецца" ("The Shrinking Man", 1957), якая была экранізавана па аднайменным рамане Рычарда Мэцісана (іншая назва - "Шлях уніз").

Галоўная роля ў карціне, сюжэт якой будзе значна адрознівацца ад першага фільма, нібыта дасталася коміку Эдзі Мэрфі. Яму давядзецца сыграць чараўніка з Лас-Вегаса, які пасля няўдалай замовы пачынае рабіцца ўсё меншым і меншым.

Варта адзначыць, што галоўны герой рамана Мэцісана "Чалавек, які сціскаецца", паменшыўшыся да мікраскапічных памераў з-за радыеактыўных ападкаў. Ён жыве ў склепе, дзе вымушаны ваяваць з уласнай коткай і павукамі.

У студзені 2008 года на сусветныя экраны выйшла трэцяя экранізацыя рамана "Я - легенда" Мэцісана, галоўную ролю ў якой сыграў Уіл Сміт.

Першымі двума фільмамі, у аснову якіх быў пакладзены раман, сталі "Апошні чалавек на Зямлі" ("The Last Man on Earth", 1964) і "Чалавек Амега" ("The Omega Man", 1971).

Фота: www.news.flexcom.ru