Будаўніцтва велатрэку на "Мінск-Арэне" плануецца завяршыць у лістападзе

На шматпрофільным культурна-спартовым комплексе "Мінск-Арэна" у лістападзе плануецца завяршыць будаўніцтва велатрэка. Гэта першы буйны аб'ект комплексу, як адзначае БЕЛТА. На бягучым тыдні ў сталіцу прыбудзе першая фура з палатном велатрэку, якое спецыялісты разлічваюць пакласці на працягу месяца. Дапамогуць ім нямецкія калегі.

Разам з велатрэкам дабудоўваецца веладром. У прыватнасці, падведзеныя камунікацыі, поўным ходам вядуцца аздобныя працы. Неўзабаве тут пачнуць усталёўваць трыбуны на 2 тысячы месцаў.

Ужо ў ліпені 2009 года спартовы аб'ект прыме чэмпіянат Еўропы па велатрэку. У турніры чакаецца ўдзел больш за 400 спартоўцаў з 30 краін.