Чэшскую Becherovku могуць прадаць
Французскі вытворца алкагольных напояў Pernod Ricard шукае пакупніка для свайго чэшскага лікёра Becherovka.
Сума кантракту можа дасягнуць 200 мільёнаў долараў, перадае інфармацыйнае агенцтва Reuters. Сярод пакупнікоў могуць быць такія вядомыя вытворцы, як Stock Spirits Group і SPI Group, якая мае расійскія карані. Праўда, прадстаўнікі кампаній аспрэчваюць сваё дачыненне да ўгоды.
Сама Becherovka за 2012/2013 год зарабіла 171 мільён крон да выплаты падаткаў. У параўнанні з 2011 годам прыбыткі знізіліся на 80 мільёнаў крон. Шмат у чым на гэтыя паказчыкі паўплывала серыйнае атручванне алкаголем у краіне ўвосень 2012 года. Гэта каштавала вытворцу 100 мільёнаў крон.
Фота — becherovka.com
