Для рамонту мінскіх дарог не хапае асфальтабетону

Дэфіцыт матэрыялаў адчуваюць рамонтныя брыгады дарожнікаў у беларускай сталіцы. Для рамонту магістраляў не хапае асфальтабетону, друзу і бітума.  Як паведамляе агенцтва "Мінск-навіны", для выканання запланаваных на 2008-2009 гады аб'ёмаў капітальнага рамонту вулічна-дарожнай сеткі горада неабходна амаль 900 тысяч тонаў асфальтабетону і іншых матэрыялаў.

Аднак адзіны ў сталіцы асфальтавы завод можа выпусціць за год толькі крыху больш за палову таго, што патрабуецца.