Два чалавекі падарваліся на расцяжках у лесе каля Жлобіна

Два чалавекі падарваліся на пастках-расцяжках у лесе ў Жлобінскім раёне Гомельскай вобласці. Адзін з іх загінуў.  Спачатку на балоце паміж вёскамі Мормаль і Новая Карма падарваўся 21-гадовы мясцовы жыхар. Ён атрымаў шматлікія асколачныя раненні і быў дастаўлены ў бальніцу.

Праз некалькі гадзін у балоце знайшлі труп 54-гадовага мужчыны, які таксама падарваўся на пастцы-расцяжкі, усталяванай на жывёлаў.

Інтэрфакс