Дзяржсакратар Савету бяспекі пракантраляваў барысаўскія заводы

11 лютага Барысаў наведаў дзяржаўны сакратар Савета бяспекі Беларусі генерал-маёр Юры Жадобін. Ён наведваў Барысаўскі завод аўтатрактарнага электраабсталявання (БАТЭ) і завод "Аўтагідраўзмацняльнік".  Абодва заводы адчуваюць на сабе эканамічны крызіс, бо вялікую частку прадукцыі пастаўлялі ў Расію. Цяпер жа расійскія аўтагіганты кшталту ВАЗу спыняюць свае зборачныя канвееры. Таму ад пачатку гэтага года БАТЭ працуе ў трохдзённым рэжыме, а "Аўтагідраўзмацняльнік" спыніўся з 5 да 16 лютага.
 
Дарэчы, на гэтых двух найбуйнейшых прамысловых прадпрыемствах Барысава працуюць больш за восем тысяч чалавек, адзначае "Барысаў Электронны".