Эмір Кустурыца прыляціць у Мінск сёння на асабістым самалёце

Асабісты самалёт знакамітага сербскага кінарэжысёра Эміра Кустурыцы прызямліцца ў мінскім аэрапорце сёння, перадае БЕЛТА. Кустурыца прыляціць з сынам, дачкой і мэнэджарам. Кіраваць самалётам зоркі будзе яго асабісты пілот.

За час знаходжання на беларускай зямлі Эмір Кустурыца стане ўдзельнікам афіцыйных сустрэч з прадстаўнікамі ўлады, у нефармальнай абстаноўцы пагутарыць са студэнтамі Беларускай дзяржаўнай акадэміі мастацтваў.

Плануецца, што ў Мінску кінарэжысёр прабудзе да 11 лістапада.