Эстонскія ўлады дэмантавалі помнік савецкаму Воіну-вызваліцелю

У ноч з чацвярга на пятніцу ўрад Эстоніі на экстраным паседжанні прыняў рашэнне аб дэмантажы помніка Воіну-вызваліцелю, размешчанага ў цэнтры Таліна на ўзгорку Тынісмягі. “Да раніцы гэтае рашэнне было выкананае. Бронзавы салдат дэмантаваны”, – перадае прэс-служба эстонскага ўрада.

У чацвер у Таліне прайшлі масавыя акцыі пратэсту супраць пераносу помніка. Паліцыя разагнала ўдзельнікаў акцыі слёзатачывым газам. Пасля гэтага пачаліся стыхійныя акцыі пратэсту. У сутыкненнях з паліцыяй пацярпелі 44 абаронцы манумента. Адзін забіты. Медыцынская дапамога спатрэбілася таксама 13 паліцыянтам, адзін з якіх быў шпіталяваны.

Падзеі ў Таліне могуць пацягнуць за сабой сур'ёзныя палітычныя наступствы. Сёння раніцай міністр замежных спраў Расіі Сяргей Лаўроў назваў сітуацыю ў Таліне агіднай і блюзнерскай. Па словах спадара Лаўровая, скандал адаб'ецца на адносінах Расіі з НАТО і Еўрасаюзам.