Fall Out Boy выдаюць альбом у дзень выбараў

Чыкагскія альтэрнатыўшчыкі Fall Out Boy хутка выдаюць свой новы, пяты па ліку альбом. Датай рэлізу «Folie a Deux», што можна перакласці з французскай як «Вар'яцтва на дваіх», абрана 4 лістапада – дзень выбараў новага прэзідэнта ЗША.

Падрабязнасці рэлізу музыкі пакуль не агучваюць, паведамляюць толькі, што да запісу адной з песень быў запрошаны незвычайны госць – удзельнік хіп-хоп каманды Gym Class Heroes Трэвіс Макой.

Першым сінглам з альбому стане кампазіцыя «I Don't Care», якая будзе прадстаўленая слухачам 15 верасня.

У кастрычніку гэтага году Fall Out Boy збіраюцца правесці невялікае турнэ па Еўропе для жывой прэзентацыі новага альбому.

Нагадаем, што «Folie a Deux» стане паслядоўнікам дыску 2007-га году «Infinity on High», які разышоўся накладам больш 1,3 мільёны асобнікаў толькі па ЗША.

Фота: no-lol.blog.onet.pl