Гары Барлоў - лепшы аўтар-песеннік Вялікабрытаніі

Удзельнік гурта Take That Гары Барлоў (Gary Barlow) прызнаны лепшым брытанскім сонграйтэрам усіх часоў паводле вынікаў праведзенага на днях кампаніяй па вывучэнні грамадскай думкі One Poll апытання. Пры гэтым у Барлоў атрымалася апярэдзіць саміх Джона Ленана (John Lennon) і Пола Макартні (Paul McCartney), якія занялі другое і трэцяе месца ў спісе. 38-гадовы Гары Барлоў з'яўляецца аўтарам такіх хітоў Take That, як «Pray», «Back for Good» і «Patience», якія ў свой час падымаліся на вяршыню брытанскага хіт-параду. Акрамя таго, музыка піша песні і для іншых сваіх калегаў – у ліку яго кліентаў значацца Atomic Kitten, Шарлота Чэрч і гурт Blue. Стваральніцкія таленты Барлоў адзначаныя пяццю прэміямі Ivor Novello.

«У перамозе Гары Барлоў няма нічога дзіўнага – ён адказны за з'яўленне шэрагу самых гучных хітоў апошняга дзесяцігоддзя», - заявіў прадстаўнік One Poll і ўдакладніў, што ў апытанні прынялі ўдзел больш за 3 тысячы меламанаў.

Таксама ў рэйтынгу найвялікшых брытанскіх аўтараў-спеўнікаў усіх часоў засвяціліся Джордж Майкл (George Michael), Ноэль Галахер з Oasis, Стынг (Sting) і Робі Ўільямс (Robbie Williams).

Топ-10 лепшых брытанскіх сонграйтэраў:

1. Гары Барлоў
2. Джон Ленан
3. Пол Макартні
4. Крыс Марцін (Coldplay)
5. Джордж Майкл
6. The Bee Gees
7. Ноэль Галахер (Oasis)
8. Робі Ўільямс
9. Стынг
10. Кейт Буш

Фота: www.ananova.com