Грамадзянін Малі спрабаваў з’ехаць з Беларусі па чужым пашпарце

Пры спробе незаконнага перасячэння дзяржаўнай мяжы Беларусі затрыманы грамадзянін Малі.
Як паведамілі ў Дзяржаўным камітэце памежных войскаў, замежны грамадзянін быў затрыманы 6 чэрвеня ў аўтадарожным пункце пропуску на беларуска-польскай мяжы памежнікамі Брэсцкай пагранічнай групы.

Ён меў намер выехаць у Францыю і прад'явіў вайскоўцам па праверцы дакументаў чужы пашпарт з прыкметамі частковай падробкі.

Затрыманы змешчаны ў ізалятар часовага ўтрымання Брэсцкай пагранічнай групы. Праводзіцца разбор.