Івашкевіч: Кампанія Саннікава праходзіла на ахвяраванні людзей
Віктар Івашкевіч, які падчас выбараў быў давернай асобай кандыдата ў прэзідэнты Андрэя Саннікава, пракаментаваў у жывым эфіры сённяшнюю публікацыю ў "СБ".
Нагадаем, на гэты раз невядомы аўтар (ці аўтары) пішуць пра грамадзянскую ініцыятыву "Еўрапейская Беларусь", Андрэя Саннікава і Ірыну Халіп, якія ўжо месяц знаходзяцца ў СІЗА КДБ. Змешчана частка плана "Стратэгія перамогі", нібыта, складзенага імі, называецца бюджэт больш чым у 19 мільёнаў долараў.
"Я ведаю, што кампанія Саннікава праходзіла за кошт абсалютна ахвяраванняў: ад максімум некалькіх тысяч даляраў да мінімум 20 даляраў, — кажа Віктар Івашкевіч. — Іх ахвяравалі прыхільнікі за кошт абвесткі на сайце "Хартыі". Людзі прыходзілі, азвяравалі. Цалкам гэта былі народныя грошы".
Віктар Івашкевіч не выключае, што пасля азнаямлення з тэкстам сённяшняй публікацыі ён звернецца да юрыстаў, каб аформіць іск у суд.
