Клінтан падтрымлівае палітыку Латвіі ў адносінах да Беларусі
Пра гэта заявіла дзяржсакратар ЗША Хілары Клінтан пасля перамоў з кіраўніком МЗС Латвіі Валдзісам Крыстоўскісам.
"Вольная эканоміка ідзе рука ў руку з вольным і справядлівым грамадствам, і Латвія прадэманстравала сваю прыхільнасць вяршэнства закона. Яна падтрымала санкцыі супраць Беларусі, улады якой затрымліваюць уласных грамадзян і дзеянні якіх мы рэзка асуджаем", - заявіла дзяржсакратар ЗША.
Адзначым, у студзені Крыстоўскіс заяўляў, што ўводзіны эканамічных санкцый у адносінах да Беларусі не дадуць эфекту, паведамляе РИА Новости.
"Мы таксама падтрымліваем дзеянні Латвіі па змякчэнні візавага рэжыму для грамадзян Беларусі. Гэтыя крокі дадуць грамадзянам Беларусі доступ да адкрытых краін, вольных СМІ і партнёрству ў сферы бізнэс-адукацыі, якое азнаёміць студэнтаў Беларусі з прынцыпамі вольнага рынка", - лічыць Клінтан.
Нагадаем, у студзені міністэрства замежных спраў Латвіі прыняло рашэнне ўвесці палегчаны візавы рэжым для грамадзян Беларусі.
