"Коммерсантъ": сустрэчы кіраўнікоў Ватыкана і РПЦ у Беларусі не будзе

Абяцаная Аляксандрам Лукашэнкам сустрэча Папы Рымскага і кіраўніка Рускай Праваслаўнай Царквы ў Мінску не адбудзецца. Патрыярх Маскоўскі Кірыл падчас візіту ў Беларусь даў зразумець, што не падтрымлівае гэтую ініцыятыву.
Як паведамляе расійскае выданне "Коммерсантъ", у Маскоўскай патрыярхіі таксама даюць зразумець, што пасярэднікі ў адносінах з Ватыканам ім не патрэбныя. "Адносіны паміж двума цэрквамі — пытанне рэлігійнае, якое не мае патрэбу ў пасярэдніцтве свецкіх сілаў", — заявіў намеснік кіраўніка Аддзела знешніх царкоўных сувязяў іераманах Філіп.