Квіткі накірункам Мінск/USSR аформіла амерыканскае турагенцтва

Днямі Еўрарадыё паведамляла пра тое, як мінчанка, вяртаючыся з Лос-Анжэлеса, у дадатак да білету атрымала інфармацыйны ліст.
У ім, у графе “месца прыбыцця” было напісана Minsk/USSR. Пасля гэтай публікацыі да нас звярнуліся прадстаўнікі нямецкай кампаніі “Люфтганза”.

Высветлілася, што кампанія не мае дачынення да квітка. Ён афармляўся ў адной з прыватных турыстычных кампаній ЗША, дзе і была дапушчана недарэчная памылка.

Авіякампанія ўжо накіравала ліст амерыканскім калегам з просьбай выправіць недакладнасць.