Ліхавід - 26-ы падазраваны
Актывіст Руху "За свабоду" Мікіта Ліхавід стаў 26 падазраваным па справе, узбуджанай пасля падзеяў у Мінску 19 снежня па артыкуле 293 - "масавыя беспарадкі".
Як паведаміла адвакат актывіста Руху "За свабоду" Мікіты Ліхавіда, асуджанага на 15 сутак арышту за ўдзел у акцыі пратэсту 19 снежня, яе падабароннаму адменена адміністратыўнае пакаранне, і ён з'яўляецца падазраваным па крымінальнай справе аб масавых беспарадках.
Сёння або заўтра Мікіта Ліхавід будзе дастаўлены з ізалятара часовага ўтрымання Жодзіна ў ізалятар КДБ у Мінску, паведамляе праваабарончы цэнтр "Вясна".
