Літва хоча пабудаваць газаправод у абыход Расіі

Літва хоча пабудаваць газаправод Amber, які злучыць краіны Прыбалтыкі з газатранспартнай сістэмай ЕС у абыход Расіі, піша БелаПАН. У красавіку 2010 года Літва і Польшча падалі ў Еўракамісію заяўку на будаўніцтва газаправоду Amber у рамках праграмы развіцця еўрапейскіх энэргетычных сетак.

Чакаецца, што новы трубаправод будзе мець прапускную здольнасць да 5 млрд кубаметраў газу ў год. Гэтага аб'ёму паліва хопіць, каб забяспечыць патрэбы ў газе Латвіі, Літвы і Эстоніі. Кошт праекта ацэньваецца ў 600 млн еўра.

На сёння адзіным пастаўшчыком газу ў Літву з'яўляецца расійскі "Газпрам".