Лорд Бэл: "Мы падпішам дамову 24 чэрвеня"

Працягваюцца перамовы брытанскага піяршчыка лорда Цімаці Бэла з адміністрацыяй беларускага прэзідэнта. У каментары Еўрарадыё лорд Бэл заявіў, што ўжо вызначаная дата падпісання кантракту: Бэл: “Мы пакуль яшчэ знаходзімся на стадыі перамоваў. Аднак зараз гэта выглядае вельмі станоўча. Я думаю, што мы падпішам дамову ў раёне 24 чэрвеня”.

Нагадаем, што Цімаці Бэл узяўся за распрацоўку пазітыўнага знешняга іміджу для Беларусі.