Ля будынка эстонскага консульства ў Мінску праходзіць пікет

Побач з будынкам консульства Эстоніі ў Мінску праходзіць пікет супраць пераносу помніка савецкаму салдату ў Таліне.

Як перадае карэспандэнт "Интерфакса", консульства пікетуюць каля 100 чалавек. Сярод удзельнікаў пікету пераважае моладзь і людзі пенсійнага ўзросту.

Удзельнікі мерапрыемства разгарнулі чырвоныя савецкія сцягі з сярпом і молатам, а таксама беларускія дзяржаўныя сцягі. Пікетчыкі трымаюць у руках партрэты Сталіна, Леніна і плакаты антыэстонскага зместу.

У прыватнасці, на плакатах напісана "Эстонскі фашызм – ганьба ЕС", "За прыгнёт рускамоўнага насельніцтва будзе адплата", "Я не купляю эстонскія тавары, я супраць фашызму".

Арганізатары мерапрыемства заяўляюць, што Мінгарвыканкам санкыянаваў правядзенне падобных пікетаў штодня да 10 траўня ўключна.