Люксембург можа запатрабаваць ад Расіі грошы

Візіт расійскага прэзідэнта ў Люксембург можа быць азмрочаны. Паводле дадзеных газеты “Коммерсант”, улады гэтай краіны хочуць запатрабаваць ад Расіі вярнуць царскія пазыкі – гэта аблігацыі, якія належаць роду Нассаў.

Выданне мяркуе, што ў адказ на любыя магчымыя патрабаванні Люксембурга, перамоўшчыкі, хутчэй за ўсё, пачуюць, што пазыкі Расійскай імперыі, улучна з аблігацыйнымі пазыкамі, былі ануляваныя Дэкрэтам ВЦІКа ў 18-м годзе, і Расія, як правапераемніца СССР, ніякіх абавязальніцтваў па выплаце такіх пазыкаў не мае.