Маладафронтаўцы аднавілі працу свайго сайта

"У мінулую пятніцу на партал была здзейснена моцная атака, наступствы якой атрымалася ліквідаваць троху менш, як за тыдзень. Дзякуй Вам за клопат і падтрымку: нам важна адчуваць Вашую ўвагу!", - пішаць маладафрантоўцы на сваім сайце.

Як паведамілі ў прэс-службе "МФ", зайсці на сайт не маглі як наведвальнікі, так і адміністратары: на старонцы ўпарта высвечваўся допіс "У вас няма дазволу на доступ да гэтага серверу".Усе файлы з сайту былі выдаленыя.
.
Актывісты арганізацыі схільныя лічыць датычнымі да праблемаў з сайтам супрацоўнікаў спецслужбаў. За апошні тыдзень на допыты ў КДБ былі выкліканыя дзясяткі актывістаў, і галоўныя пытанні на ўсіх допытах тычыліся працы сайта, ягоных адміністратараў і журналістаў.