Мінчукі забываюць у грамадскім транспарце не толькі парасоны, але і сабак

Мінчукі найчасцей губляюць у грамадскім транспарце парасоны, сумкі і кашалькі.
Як адзначае агенцтва "Мінск-навіны", гэтая з'ява мае сезонны характар. Напрыклад, зімой найчасьцей людзі забываюць у транспарце пальчаткі, шапкі і школьныя партфелі.

Здараюцца і кур'ёзныя выпадкі. Адзін мужчына пакінуў у аўтобусе сабаку, якога прывязаў да сядзення і забыў адвязаць. Сам выйшаў, а сабака катаўся ў аўтобусе да таго часу, пакуль за ім не вярнуўся яго гаспадар.