Мінск не атрымліваў дакументаў пра допінг сярод беларускіх штангістаў

Беларускі бок не атрымліваў ніякіх афіцыйных дакументаў пра выяўлены ў нашых штангістаў допінг. Такую заяву для БЕЛТА зрабіў дырэктар Нацыянальнага антыдопінгавага агенцтва (НАДА) Аляксандр Ванхадла. Нагодай стала інфармацыя ў СМІ, што ў трох беларускіх цяжкаатлетаў падчас чэмпіянату Еўропы-2010 нібы выяўленыя забароненыя рэчывы. Нагадаем, што спаборніцтвы праходзілі сёлета ў красавіку ў Мінску.

Кіраўнік НАДА падкрэсліў, што такія сур'ёзныя абвінавачванні нельга рабіць на падставе чутак, для гэтага патрэбныя афіцыйна пацверджаныя матэрыялы, якіх на сённяшні дзень няма.