Мінск прапанаваў Гаване стварыць парк высокіх тэхналогій

Беларусь прапанавала Кубе стварыць парк высокіх тэхналогій і аўтсорсінгавы цэнтр па распрацоўцы праграмнага забеспячэння для розных сфер эканомікі.  Як адзначаюць РІА "Новости", інвестыцыі ў праект могуць скласці ад 100 да 200 мільёнаў долараў на працягу 5-6 гадоў.

Як заявіў дырэктар парка высокіх тэхналогій Беларусі Валерый Цэпкала, у парку маглі б распрацоўвацца рашэнні для розных сектараў - ад нафтаперапрацоўкі для банкаўскага сектара, а таксама праграмнае забеспячэнне для турызму, тэлекамунікацый, адукацыі, сістэмы аховы здароўя.