Мінскі ЖЭС даслаў неплацельшчыкам папярэджанне ў выглядзе святочнага верша

Незвычайную акцыю праводзіць мінскі ЖЭС-34. Каб паўздзейнічаць на неплацельшчыкаў, былі распаўсюджаныя ўлёткі-паштоўкі, аздобленыя навагоднімі малюнкамі і вершам. Інжынер ЖЭС-34 Алена Царанкова кажа, што верш напісалі самі супрацоўнікі службы. Яна пагадзілася яго прачытаць для слухачоў Еўрарадыё:

“Новый год, Новый год!
К вам электрик наш идет,
Чтобы выключить вам свет –
Ваших денег у нас нет.

Новый год, Новый год!
К вам сантехник наш идет,
Чтобы выключить вам воду
За задолженность по году.

Это шутка. Нас простите,
Очень просим: оплатите!
ЖЭС все сделает для вас,
Будет свет и будет газ.

Мы не выключим вам воду
За задолженность по году.
С Новым годом поздравляем!
От души всех благ желаем!»

Алена Царанкова гаворыць, што такі метад працы ўжываецца ўпершыню:

«Раней проста пісалі аб'явы «Навошта плаціць за ваду, якой не карыстаецеся» і нешта падобнае. Прыводзілі сур'ёзныя довады. Ну, а тут ужо да Новага года вырашылі выйсці ў «лірычным выглядзе».

Цяпер у ЖЭС-34 тэлефануюць удзячныя мясцовыя жыхары, праўда, сярод іх няма неплацельшчыкаў. Аднак Царанкова мяркуе, што з вершам яны таксама азнаёміліся:

«Наклеілі там амаль на ўсе пад'езды, праўда, кажуць, што на многіх зрываюць… Напэўна, таму што злоснаму неплацельшчыку ці ў вершах, ці ў прозе пішы — ім зусім напляваць…»