На адным з выбарчых участкаў у Варшаве нехта распыліў пярцовы газ

А 13-й гадзіне па польскім часе свае галасы аддалі больш за 8 мільёнаў асобаў,а дакладней 26,63% выбарцаў, паведамляе Дзяржвыбаркам Польшчы. Гэта на 3% больш, чым у першым туры выбараў. Сярод вялікіх гарадоў лідзіруе Познань, дзе прагаласавала 30,7 % выбарцаў. Следам за ім ідзе Варшава з колькасцю 30,6% выбарцаў.
Найбольшая яўка ў курортных мясцовасцях, там ужо выдаюцца запасныя бюлетэні, аднак сябры выбарчых камісій супакойваюць, што іх хопіць на ўсіх.

Істотных парушэнняў выбарчай цішыні па ўсёй краіне не назіраецца, перадае польскі Дзяржвыбаркам. Найбольш сур’ёзны інцыдэнт на дадзены момант здарыўся ў Варшаве, дзе на адным з выбарчых участкаў нехта распыліў пярцовы газ. Аднак залу галасавання праветрылі і праз 20 хвілін камісія працягнула нармальную працу.