На Гомельшчыне рыхтуюцца да змагання з наступствамі спёкі
Старшыня Гомельскага аблвыканкама Аляксандр Якабсон загадаў прыняць “экстраныя і радыкальныя” меры, каб не адбылося паўтарэння расійскага сцэнару. Паводле прагнозаў сіноптыкаў, на гэтым тыдні ў асобных раёнах краіны чакаецца надзвычайная спёка — да 37 градусаў. Адпаведна, узрастае небяспека пажараў. З гэтай нагоды старшыня Гомельскага аблвыканкама Аляксандр Якабсон правёў адмысловую нараду, падчас якой загадаў прыняць “экстраныя і радыкальныя” меры, каб засцерагчыся ад магчымых непрыемнасцяў. У прыватнасці, будзе забаронена наведванне лясоў, усе падраздзяленні службаў выратавання прывядуць у поўную гатоўнасць, увесь час будзе здзяйсняцца патруляванне тэрыторыі вобласці з паветра.
Намеснік начальніка Гомельскага абласнога ўпраўлення МНС Сяргей Шутаў распавёў Еўрарадыё, што пакуль падставаў для прыняцця радыкальных захадаў няма, але ўсё пералічанае губернатарам неабходна зрабіць на ўсялякі выпадак.
Сяргей Шутаў: “Каб мы актывізавалі працу па правядзенні прафілактычнай працы — гэта прэвентыўныя мерапрыемствы, якія павінны адыграць сваю ролю. І каб мы праверылі гатоўнасць аварыйных службаў. Не толькі МНС, але і лясніцтваў. Адпрацавалі і план прыцягнення сіл і сродкаў, план узаемадзеянняў. Вось таму зараз усе супрацоўнікі нашага ўпраўлення раз’язджаюцца ў камандзіроўкі па ўсёй вобласці”.
Згодна з ягонымі словамі, адразу пасля “губернатарскай” нарады чыноўнікі мясцовых выканкамаў распаўсюдзілі загад аб абмежаванні наведвання лясоў. Зараз ужо проста так не тое што на шашлыкі, але і ў грыбы могуць не пусціць. За выкананнем распараджэння будуць сачыць супрацоўнікі лясніцтваў і праваахоўных органаў.
Што ж тычыцца кантролю за сітуацыяй з узгараннямі з паветра, то, кажа намеснік начальніка, магчымасці для гэтага ёсць.
Сяргей Шутаў: “У нас ёсць тэхніка — і верталёты, і самалёты “Беллесавіа”. Больш зараз вылетаў стала для кантролю за сітуацыяй: калі раней 1-2 барты лёталі, то зараз больш бартоў будзе лётаць, каб ахапіць такую вялікую тэрыторыю. Вы ж ведаеце, што на ранняй стадыі лепш пажар знайсці і лягчэй патушыць, чым потым яго ліквідаваць”.
Падрыхтаваліся, кажа ён, і да аварыйнага забеспячэння вобласці электраэнергіяй, і да ліквідавання аварый на трансфарматарных падстанцыях.
Сяргей Шутаў: “Задзейнічаныя ўсе аварыйныя службы. Зараз не адна, а дзве брыгады сфармаваныя, каб у найкарацейшы тэрмін ліквідаваць аварыю. Калі не атрымліваецца хутка — ёсць рэзервовыя электрастанцыі, якія падключаюцца і забяспечваць сілкаванне шпіталяў ды іншых важных аб’ектаў жыццезабеспячэння”.
Самымі страшнымі, кажа Сяргей Шутаў, з’яўляюцца пажары тарфянікаў. Іх, адзначае, галоўнае — своечасова выявіць. А тэхнікі і людзей, упэўніў намеснік начальніка мясцовага МНС, хапае.
Намеснік начальніка Гомельскага абласнога ўпраўлення МНС Сяргей Шутаў распавёў Еўрарадыё, што пакуль падставаў для прыняцця радыкальных захадаў няма, але ўсё пералічанае губернатарам неабходна зрабіць на ўсялякі выпадак.
Сяргей Шутаў: “Каб мы актывізавалі працу па правядзенні прафілактычнай працы — гэта прэвентыўныя мерапрыемствы, якія павінны адыграць сваю ролю. І каб мы праверылі гатоўнасць аварыйных службаў. Не толькі МНС, але і лясніцтваў. Адпрацавалі і план прыцягнення сіл і сродкаў, план узаемадзеянняў. Вось таму зараз усе супрацоўнікі нашага ўпраўлення раз’язджаюцца ў камандзіроўкі па ўсёй вобласці”.
Згодна з ягонымі словамі, адразу пасля “губернатарскай” нарады чыноўнікі мясцовых выканкамаў распаўсюдзілі загад аб абмежаванні наведвання лясоў. Зараз ужо проста так не тое што на шашлыкі, але і ў грыбы могуць не пусціць. За выкананнем распараджэння будуць сачыць супрацоўнікі лясніцтваў і праваахоўных органаў.
Што ж тычыцца кантролю за сітуацыяй з узгараннямі з паветра, то, кажа намеснік начальніка, магчымасці для гэтага ёсць.
Сяргей Шутаў: “У нас ёсць тэхніка — і верталёты, і самалёты “Беллесавіа”. Больш зараз вылетаў стала для кантролю за сітуацыяй: калі раней 1-2 барты лёталі, то зараз больш бартоў будзе лётаць, каб ахапіць такую вялікую тэрыторыю. Вы ж ведаеце, што на ранняй стадыі лепш пажар знайсці і лягчэй патушыць, чым потым яго ліквідаваць”.
Падрыхтаваліся, кажа ён, і да аварыйнага забеспячэння вобласці электраэнергіяй, і да ліквідавання аварый на трансфарматарных падстанцыях.
Сяргей Шутаў: “Задзейнічаныя ўсе аварыйныя службы. Зараз не адна, а дзве брыгады сфармаваныя, каб у найкарацейшы тэрмін ліквідаваць аварыю. Калі не атрымліваецца хутка — ёсць рэзервовыя электрастанцыі, якія падключаюцца і забяспечваць сілкаванне шпіталяў ды іншых важных аб’ектаў жыццезабеспячэння”.
Самымі страшнымі, кажа Сяргей Шутаў, з’яўляюцца пажары тарфянікаў. Іх, адзначае, галоўнае — своечасова выявіць. А тэхнікі і людзей, упэўніў намеснік начальніка мясцовага МНС, хапае.
