На імпарт плодаагароднінных кансерваў могуць увесці мытныя пошліны
Неабходна абмежаваць прыток на ўнутраны рынак Беларусі імпартных плодаагароднінных кансерваў з дапамогай увядзення сезонных мытных пошлін.
Такую думку выказаў першы намеснік старшыні канцэрна "Белдзяржхарчпрам" Анатоль Філонаў учора на пасяджэнні прэзідыума Савета міністраў, на якім абмяркоўвалася выкананне ў першым квартале праграмы развіцця вытворчасці плодаагароднінных кансерваў у Беларусі на 2006-2010 гады.
Паводле слоў Філонава, патрэбы ўнутранага рынку ў плодаагароднінных кансервах складаюць 413 мільёнаў умоўных слоікаў. На 52,2% гэтыя патрэбы задавальняюцца за кошт імпарту.
Разам з тым складскія запасы айчынных вытворцаў складаюць 65 мільёнаў умоўных слоікаў, што раўназначна чатырохмесячнаму аб'ёму вытворчасці.
Сярод асноўных прычын зніжэння вытворчасці плодаагароднінных кансерваў - значныя складскія запасы гатовай прадукцыі, нежаданне гандлёвых арганізацый браць яе на рэалізацыю на ўнутраным рынку краіны, недахоп уласных абаротных сродкаў у прадпрыемстваў для закупкі сыравіны, матэрыялаў, тары.
Філонаў таксама зазначыў, што рэнтабельнасць прадпрыемстваў плодаагародніннай галіны складае толькі прыблізна 3%, прычым 17 арганізацый па выніках працы за першы квартал атрымалі чыстыя страты.
БелаПАН
Такую думку выказаў першы намеснік старшыні канцэрна "Белдзяржхарчпрам" Анатоль Філонаў учора на пасяджэнні прэзідыума Савета міністраў, на якім абмяркоўвалася выкананне ў першым квартале праграмы развіцця вытворчасці плодаагароднінных кансерваў у Беларусі на 2006-2010 гады.
Паводле слоў Філонава, патрэбы ўнутранага рынку ў плодаагароднінных кансервах складаюць 413 мільёнаў умоўных слоікаў. На 52,2% гэтыя патрэбы задавальняюцца за кошт імпарту.
Разам з тым складскія запасы айчынных вытворцаў складаюць 65 мільёнаў умоўных слоікаў, што раўназначна чатырохмесячнаму аб'ёму вытворчасці.
Сярод асноўных прычын зніжэння вытворчасці плодаагароднінных кансерваў - значныя складскія запасы гатовай прадукцыі, нежаданне гандлёвых арганізацый браць яе на рэалізацыю на ўнутраным рынку краіны, недахоп уласных абаротных сродкаў у прадпрыемстваў для закупкі сыравіны, матэрыялаў, тары.
Філонаў таксама зазначыў, што рэнтабельнасць прадпрыемстваў плодаагародніннай галіны складае толькі прыблізна 3%, прычым 17 арганізацый па выніках працы за першы квартал атрымалі чыстыя страты.
БелаПАН
