На Віцебшчыне сасна ўпала на аўтамабіль, загінуў мужчына

48-гадовы мужчына загінуў у Полацкім раёне, дзе ўчора шалеў моцны вецер.  Разам з сябрамі ён ехаў на ўласным аўтамабілі з Наваполацка ў пасёлак Баравуха, калі ветрам зваліла сасну. Дрэва звалілася на машыну і зламала кіроўцы аснаванне чэрапу. Параненага давялося выразаць з аўто з дапамогай спецтэхнікі. “Хуткая дапамога” адвезла пацярпелага ў лякарню, дзе ён сканаў праз некалькі гадзінаў.

Ядвіга Сташэўская, Еўрарадыё, Віцебск